«Термолюминесцентті дозиметрлер мен радиациялық шығуларды өлшеулердің белгісіздіктерін бағалау бойынша тәжірибелік дағдылар» тақырыбында оқыту семинарын ұйымдастырып, өткізді

Қалыптасқан тәжірибе бойынша, біліктіліктерін жоғарылату курстарынан өткен ҚР ҰЯО «Радиациялық қауіпсіздік және экология институты» филиалының қызметкерлері алған білімдерімен өз әріптестерімен бөлісіп отырады. Осы жолы да «Республикалық техникалық реттеу, стандарттау, сертификаттау және метрология жөніндегі академия» ЖШС (Нұр-Сұлтан қ.) оқытудан өткен инженерлер А. Топорова мен Р. Ролланұлы 2020 жылғы 10 наурызда «Термолюминесцентті дозиметрлер мен радиациялық шығуларды өлшеулердің белгісіздіктерін бағалау бойынша тәжірибелік дағдылар» тақырыбында оқыту семинарын ұйымдастырып, өткізді.

Семинар қатысушыларына белгісіздікті қалай есептеу керектігі; зертхана қызметі мен сынақ нәтижелерін тұрақты түрде жақсарту үшін алынған есептеулерді қалай дұрыс қолдану керектігі; стандарттардың негізгі ережелері мен техникалық талаптарын есепке ала отырып, есептеулер жүргізген кезде, тексеру, калибрлеу және сынақ зертханалары үшін өлшеулер белгілісіздіктерін бағалау кезінде бекітілетін жалпы талаптар мен ұсынымдарды қалай орындау керектігі көрсетілді. Семинарға қызығушылық танытқандардың барлығы қатыса алды. Оқыту аккредиттелген Сынақ орталығы шеңберінде өтті.