Дала маусымына дайындық

Институттың басым деген бағыттарының бірі бұрынғы Семей сынақ полигонының радиациялық ахуалын зерттеу болып табылады. Жоспарланған жұмыстарды іске асыру үшін далалық маусым басталмас бұрын жылсайын сынамаларды іріктеу көлемін анықтау, жол жүрулерді жоспарлау, жабдықтар мен құрал-аспаптарды дайындау бойынша дайындық шаралары жүргізіледі. Айта кету керек, қаншалықты болмашы деп саналса да, сынама алу құралдарының дұрыс қайралуының өзі, жұмыстың сапасына да оны жүргізудің жылдамдығына да әсер етеді, ал күрделі топографиялық-геодезиялық және гамма-спектрометриялық жабдықтарды теңшелеу мен дайындау жұмыстарының маңыздылығын айтпаса да түсінікті. Сонымен бірге барлық пайдаланылатын жабдықтар әрдайым және міндетті түрде тексеруден өтеді, сертификаттармен нақтыланады. Инфрақұрылымды дайындауда, дала жағдайында өздерін жақсы жағынан көрсеткен мобильді тұрғын вагондардан бастап, қойма бөлмежайлары да маңызды орын алады. Қазіргі таңда, мобильді вагондарды дайындау бойынша барлық жұмыстар аяқталды, оларға ағымдағы жөндеу жұмыстары жасалды, сонымен қатар онда жайлы орналасу үшін қажетті барлық жүйелер тексеруден өтті. Алдын ала далалық дайындықтан барлық автокөлік паркі де өтті. Әрбір автокөліктің тұрақты бақылауда болуына қарамастан, далалық маусымның алдында жоспарлы-сақтандырмалы жөндеу жұмыстары өткізіледі. Жекелеген назар бұрғылау қондырғыларына да аударылады, олардың тиісті күйде болуына өте жоғары талап қойылады. Жалпы алғанда, далалық маусымға дайындық – бәрін тәртіпке келтіруге мүмкіндік беретін, шуақты сәуір айындағы сенбілік сияқты және 2020 маусымына біз 100% дайынбыз деп сеніммен айтуға болады.