NATO Жобасы бойынша ғылыми сапар

2022 жылғы 18 және 30 шілде аралығында NATO SPS985684 «Радиологиялық/ядролық төтенше жағдайлардағы жаңа биологиялық және физикалық сұрыптау әдістері» халықаралық Жоба шеңберінде, Италиялық жаңа технологиялар, энергетика және тұрақты экономикалық даму жөніндегі ұлттық агенттігінің Тұрақты даму департаментінің денсаулық және қоршаған ортаны қорғау зертханасының базасында ҚР ҰЯО РҚЭИ филиалының биодозиметриялық зерттеулер зертханасының қызметкерлері зертхана бастығы м.ғ.к Л.Б. Кенжинаның басшылығымен Италия, Рим қаласында жоспарланған ғылыми сапарда және машықтанудан өтіп жатыр. Сапардың мақсаты Жобаны ары қарай дамыту, жаңа біріктірілген цитогенетикалық биодозиметриялық әдістемені меңгеру бойынша зертханалық жұмыстар, аралық қорытындыны жүргізу жөнінде жұмыс кездесулеріне қатысу болып табылады. Серіктестік өзара қарым-қатынас мақсатында Италияның Ұлттық денсаулық және жоғары білім институтына, Ұлттық денсаулық сақтау қызметінің жетекші ғылыми-техникалық органына бару жоспарланған.