Уведомления | Радиациялық Қауіпсіздік және Экология Институты

2026 жылғы 2-6 ақпан аралығында Ереванда ядролық және радиациялық төтенше жағдайларға дайындық және ден қою мәселелеріне арналған АТЭХАГ RER9161 «Arrangements for preparedness and response for a nuclear or radiological emergency» өңірлік семинары өтті. Іс-шара барысында АТЭХАГ халықаралық стандарттарына сәйкес апаттық дайындыққа, ведомствоаралық үйлестіруге және халықты қорғауға заманауи тәсілдер талқыланды. Семинарға жұмыс істеп тұрған атом электр станциялары бар мемлекеттер мен атом инфрақұрылымын дамытатын елдерді қоса алғанда, өңірдегі елдердің өкілдері қатысты.

Семинарда Қазақстан Республикасын ҚР ҰЯО РМК РҚЭИ филиалының биологиялық дозиметрия зертханасының бастығы және KAZ9018 АТЭХАГ жобасының ұлттық үйлестірушісі Кенжина Л.Б. таныстырды. Кәсіби пікірталастар шеңберінде Қазақстанның биологиялық дозиметрияны дамыту және оны радиациялық оқыс оқиғаларға ден қою кезінде пайдалану жөніндегі тәжірибесі ұсынылды. Биодозиметриялық әдістерді ұлттық және аймақтық әрекет ету жоспарларына біріктіру мәселелеріне ерекше назар аударылды. Семинарға қатысу халықаралық ынтымақтастықты кеңейтуге және өңірдегі радиациялық қауіпсіздікті қамтамасыз етудің ғылыми-әдістемелік базасын нығайтуға ықпал етті.

" target="_blank">

11.02.26 АТЭХАГ семинарына қатысу

2026 жылғы 26–30 қаңтар аралығында Австрия Республикасының Вена қаласында АТЭХАГ-нің TC RER7017 – «Климаттың өзгеруі жағдайында су ресурстарының қолжетімділігін қамтамасыз ету» жобасы аясында 3-ші үйлестіру кеңесі өткізілуде. Жоба шеңберінде жерүсті және жерасты суларына зерттеулер жүргізіліп, су жинау алабы деңгейінде жерүсті суларының сапасына бағалау жасалады. Ерекше назар трансшекаралық өзендер мен олардың алаптарына аударылған, ал Қазақстан аумағындағы негізгі өзендердің басым бөлігі трансшекаралық болып табылады. Изотоптық гидрология әдістерін қолдану арқылы зерттелетін өзен алаптарындағы жауын-шашынға гидрологиялық әсерді бағалау, салалардың негізгі арнадағы өзен суларының изотоптық құрамына әсерін анықтау, су қауіпсіздігін арттыру және трансшекаралық су ресурстарын басқару сияқты мәселелер шешілуде.

Аталған үйлестіру кеңесіне АТЭХАГ жобасы шеңберінде Қазақстан Республикасының өкілі болып табылатын РМК ҚР ҰЯО «Радиациялық қауіпсіздік және экология институты» филиалындағы мониторингілеу және экологиялық-аналитикалық зерттеулер бөлімінің басшысы А.К. Айдарханова қатысуда. «Жерүсті сулары және су жинау алаптары» бағыты бойынша А.К. Айдарханова Қазақстанның Шығыс өңіріндегі атмосфералық жауын-шашынның изотоптық құрамын және трансшекаралық Ертіс өзенінің су ортасын зерттеу нәтижелерін ұсынды.