2025 жылдың наурызында Қазақстан Республикасының Ұлттық ядролық орталығы (ҚР ҰЯО) бұрынғы Семей сынақ полигоны (ССП) аумағындағы далалық жұмыстарға кірісті. Радиациялық қауіпсіздік және экология институтының (ҚР ҰЯО РҚЭИ) мамандары қоршаған орта сынамаларын алу үшін Семей ядролық қауіпсіздік аймағының (СЯҚА) шекарасы бойынша мониторингілеу бекеттеріне далалық жол жүрулер ұйымдастырды. Жұмыс орнында ауа аэрозольдерінің сынамалары алынды, жер асты суларының сынамалары алынып, бақылау ұңғымаларын тазарту және су тарту жүргізілді. Іріктелген сынамалар зертханалық талдауларға жіберілді. СЯҚА радиациялық мониторингілеу 2022 жылдан бастап тұрақты түрде жүргізіліп келеді. Мониторингілеудің мақсаты гамма-сәуле шығарудың баламалы дозасының қуаты деңгейлерін бақылау, радиациялық қауіпті аумақтар шекарасындағы радиациялық жағдайды бағалау үшін жерүсті және жерасты суларындағы, ауадағы, топырақтағы және өсімдіктердегі техногендік радионуклидтердің құрамын бақылау болып табылады.

