2025 жылғы 02-09 желтоқсан аралығында «Радиациялық қауіпсіздік және экология институты» филиалының мониторингілеу және экологиялық-аналитикалық зерттеулер бөлімінің қызметкерлері эксперименттік және экологиялық зерттеулер зертханасының инженері А.М. Надева және мониторингілік зерттеулер зертханасының инженері А.О. Искенов «Ергаки» табиғи паркінде (Красноярск өлкесі, РФ) іссапарда жүр. Іссапардың мақсаты кейіннен изотоптық гидрология саласындағы зерттеу жұмыстарын орындау кезінде пайдаланылатын «жеңіл судың» эталондық үлгілерін одан әрі алу үшін атмосфералық жауын-шашынның (қардың) сынамаларын алу болып табылады. Алынған үлгілер су объектілеріндегі дейтерий мен оттегі-18 тұрақты изотоптарын анықтау үшін қажет. Жұмыстың бұл түрін жүргізу зертханалық зерттеулердің жоғары сапасын қамтамасыз етуге мүмкіндік береді және Қазақстан Республикасының аумағында гидрологиялық процестерді зерделеу саласындағы ғылыми тәсілдерді дамытуға ықпал етеді.
