Беларусь мемлекеттік университеті делегациясының сапары

«А.Д. Сахаров атындағы Халықаралық мемлекеттік экологиялық институты» БМ мен «Қазақстан Республикасының Ұлттық ядролық орталығы» РМК арасындағы ынтымақтастық туралы Меморандум (1-бап) шеңберінде ағымдағы жылдың 22-26 шілдесі аралығында Беларусь Республикасынан делегация қабылданды.

ҚР Ұлттық ядролық орталығына Ядролық және радиациялық қауіпсіздік кафедрасының қызметкерлері: профессор А.И. Киевицкая, доцент О.В. Гусакова және аға оқытушы Т.В. Дашкевич келді. Сапар бағдарламасына сәйкес, Беларусь мемлекеттік университетінің қызметкерлері «Байкал-1» зерттеу реакторы мен «Токамак КТМ» реактор қондырғысының жұмыстарымен танысты, сондай-ақ «Ангара», «Лиана» және «EAGLE» стендтеріне барды.

Қонақтар үшін ССП тарихының экспозициялық залына, «Тәжірибе даласы» және «Атом көлі» алаңына таныстыру экскурсиялары ұйымдастырылды. Сонымен қатар, шетелдік мамандар Ұлттық ядролық орталықтың жетекші қызметкерлерімен байланыс орнатуға және ағымдағы жобалар мен зерттеулерді жақсы түсіну үшін білімдерімен бөлісуге мүмкіндік алды.

Бұл сапар біздің мекемелер арасындағы ғылыми байланыстарды нығайту және одан әрі ынтымақтастық үшін негіз болады деп үміттенеміз.

30-07-1

30-07-2

30-07-3

30-07-4

30-07-5

30-07-6

30-07-7