Семей қаласында дәстүрлі «Бейбітшілік акциясы» өтті

29 тамызда Семей қаласында Семей сынақ полигонының жабылуына арналған дәстүрлі «Бейбітшілік акциясы» өтті. Дәл осы күні тура 70 жыл бұрын Семей полигонында алғашқы ядролық жарылыс  болған. «Бейбітшілік» аралында жыл сайын өткізілетін акция биыл да «Невада – Семей» антиядролық қозғалысының отыз жылдығына арналды. Қозғалыс өкілдері «Өлімнен күшті» ескерткішіне гүлдер қойып, ядролық сынақ құрбандарын үнсіздік минутымен еске алды. Жиналған қауым алдында «Хиросима-Семей» қоғамының хатшысы Чиеко Кабатаки сөз сөйледі, ол өз сөзінде Қазақстанда бүкіл әлемді қамтыған антиядролық қозғалыстың туындағанын айта кетті. Іс-шараға Семей қаласы мен жақын аудардардың тұрғындары, сонымен қатар, жақын және алыс шетелдер өкілдері қатысты.   Семей қаласының Әкімдігі ашық аспан астында көрме ұйымдастырды, оған Ұлттық ядролық орталық қатысқан болатын. ҚР ҰЯО РМК Радиациялық қауіпсіздік және экология институты ғылыми-техникалық ақпараттар бюросының қызметкерлері Семей сынақ полигонының тарихына, ССП қазіргі кездегі радиоэкологиялық ахуалына арналған ақпараттық стенділерді, сонымен қатар,  КСРО жер үстіндегі алғашқы ядролық сынақтар жүргізілген «Тәжірибе даласының» макетін ұсынды. Көрменің қызығушылық  танытқан келушілеріне буклеттер, кітаптар, брошюралар сыйға берілді.