«Техногенді жүйелер және экологиялық қатер»

2018 жылғы 19-20 сәуір аралығында Обнинск қаласында «МИФИ» (МИФИ ҰЗЯУ АТЭИ) Ұлттық зерттеу ядролық университеті филиалы – Атом энергетикасы институты базасында «Техногенді жүйелер және экологиялық қатер» ІІ Халықаралық (XV Аймақтық) ғылыми конференциясы өтті. Конференцияның пленарлық және секциялық отырыстарында радиоэкология, ядролық және жылу энергетикасы салаларындағы өзекті мәселелер қарастырылды. «Иондаушы емес және иондаушы сәулелену әрекеттерінің экологиялық аспектілері» секциясының жұмысына РҚЭИ филиалының қызметкері Сержанова Зарина қатысты және «Тритийді зерттеудің және оны ядролық сынақтар жүргізілген орындар топырақтарынан анықтау формаларының әдістемелік аспектілері» тақырыбында баяндама ұсынды. Кездесу қорытындылары бойынша қатысушыларға сертификаттар берілді.