Ғылыми атақ берілуімен құттықтаймыз!

ҚР Ғылым және жоғары білім министрлігі Білім саласындағы сапаны қамтамасыз ету комитеті төрағасының 19.11.2024 жылғы №1081 бұйрығымен ҚР ҰЯО РМК «Радиациялық қауіпсіздік және экология институты» филиалындағы биодозиметриялық зерттеулер зертханасының бастығы Лаура Болатказыевна Кенжинаға, 30300 – денсаулық туралы ғылымның ғылыми бағыты бойынша қауымдастырылған профессор (доцент) ғылыми атағы берілді.

Лаура Болатказыевна 25 жыл бойында кәсіби тәжірибе жинақтап, оның 18 жылын ғылыми зерттеулерге арнады. Оның ғылымдағы жолы 2005 жылы диссертацияны қорғаудан басталды, оның нәтижелері бойынша оған «Радиобиология» мамандығы бойынша медицина ғылымдарының кандидаты ғылыми дәрежесі берілді. 2015 жылдан бастап Лаура Болатқазыевна Радиациялық қауіпсіздік және экология институтында жұмыс істеп келеді, бұнда оның басшылығымен цитогенетикалық биологиялық дозиметрия бағыты белсенді дамуда.

Лаура Болатқазыевнаны құттықтай отыра, ғылыми және кәсіби қызметте одан әрі табыс, шабыт және жаңа жетістіктер тілейміз!