«Ядролық энергетика бойынша кіріспе курс» онлайн тренингін өткізеді

Қазақстан Республикасында жеңіл су реакторын енгізу үшін Адами ресурстарды дамыту саласындағы ынтымақтастық туралы меморандум шеңберінде 2022 жылғы 02-28 ақпан аралығында Жапон атом энергетикалық компаниясы «Ядролық энергетика бойынша кіріспе курс» онлайн тренингін өткізеді. Тренингте Қазақстан Республикасының АЭС қажеттілігі, Қазақстандағы бастапқы/қайталама энергияның ағымдағы жағдайы, атом энергиясын көп мақсатты пайдалануға қатысты бірқатар елдердегі тәсілдер мен проблемалар, ядролық энергетиканың көміртегі бейтараптығына үлесі, ядролық энергетиканың қауіпсіздігі, Қазақстандағы ядролық реакторды таңдау кезіндегі қауіпсіздік (бағалау әдістері, объектіні бағалауды ұсыну мәртебесін растау), Қазақстандағы ядролық бизнестің орындылығын бағалаудың өлшемдері мен әдістерін әзірлеу жағдайы қарастырылады.

ҚР ҰЯО РМК «Радиациялық қауіпсіздік және экология институты» филиалының атынан онлайн тренингке қоршаған орта мониторингі жүйелерін әзірлеу бөлімінің қызметкерлері А.М. Райымқанова және А.А. Круглыхин қатысады.