Ғылыми атаққа ие болғанымен құттықтаймыз!

ҚР ҰЯО РМК «Радиациялық қауіпсіздік және экология институты» филиалының радиоэкологиялық және биогеохимиялық зерттеулер зертханасының бастығы Поливкина Елена Николаевнаны 10500 – Биологиялық ғылымдар ғылыми бағыты бойынша қауымдастырылған профессор (доцент) ғылыми атағын алуымен құттықтаймыз. Қазақстан Республикасы Ғылым және жоғары білім министрлігі Ғылым және жоғары білім саласындағы сапаны қамтамасыз ету комитеті Төрағасының «ғылыми атақ беру туралы» 19.06.2024 жылғы № 539 тиісті бұйрығы сайтта орналастырылған.

Поливкина Елена Николаевна 2016 жылдан бастап қазіргі уақытқа дейін ҚР ҰЯО РМК «Радиациялық қауіпсіздік және экология институты» филиалында жұмыс істейді.

2006 жылы ол Барнаул қаласында (РФ) «Экология» мамандығы бойынша кандидаттық диссертация қорғап, биология ғылымдарының кандидаты дәрежесін алды. 2009 жылы ол Ресей Федерациясының биология ғылымдарының кандидаты ғылыми дәрежесінің Қазақстан Республикасының ғылым кандидаты дәрежесінің баламалылығын тану рәсімінен өтті. Соңғы жылдары оның қатысуымен немесе оның басшылығымен «топырақ – су – ауа – өсімдіктер» жүйесінде техногендік радионуклидтердің жылыстауына зерттеулер жүргізілуде.

Елена Николаевнаны осы маңызды жетістігімен құттықтаймыз және оған ғылыми қызметте одан әрі табыстар мен жетістіктер тілейміз!