Жас буынмен ағарту жұмыстары

2018 жылғы 21 ақпанда жас буынды туған елінің тарихымен және ерекшелігімен ақпараттандыру, сонымен қатар, Ұлттық ядролық орталығы және оның қызметімен таныстыру мақсатында, Курчатов қаласы № 4 мектебінің жоғарғы сыныптары оқушылары мен «Қазақстан Республикасы Ұлттық ядролық орталығы» РМК жас мамандарының кездесуі өтті. Оқушылар назарына ҚР ҰЯО РМК «Атом энергиясы институты» филиалының ғылыми қызметкері Арман Миниязов пен ҚР ҰЯО РМК «Радиациялық қауіпсіздік және экология институты» филиалының зертхана бастығы Жанат Байгазинов Ұлттық ядролық орталыққа қойылған міндеттер, жүргізіліп жатқан жұмыстардың маңыздылығы, Институттар ғылыми қызметтерінің бағыттары, республикалық және әлемдік деңгейдегі жетістіктер туралы баяндамалар ұсынды.