Радиациялық қауіпсіздік бойынша оқыту курстары

«Қазақстан Республикасы Ұлттық ядролық орталығы» РМК «Радиациялық қауіпсіздік және экология институты» (ҚР ҰЯО РҚЭИ) филиалының Оқыту-ақпараттандыру орталығында 2020 жылғы 07-11 желтоқсан аралығында «Радиациялық қорғаныс және қауіпсіздік» тақырыбы бойынша радиациялық қауіпсіздікті және радиациялық бақылауды қамтамасыз етуге жауапты мамандары (А тобының персоналы) үшін кезекті онлайн оқыту жүргізілуде. Филиалдың жетекші мамандары арасынан құрылған дәріскерлер құрамы радиациялық бақылау жабдықтары мен жеке қорғаныш құралдарын көрсете отырып, теориялық және тәжірибелік сабақтар жүргізеді. Дәрістер курсына ҚР радиациялық қауіпсіздік саласындағы заңнамалық базасы мәселелері, радиоактивтіліктің негізгі түсініктері және иондаушы сәулелендірулер түрлері, тіркеу әдістері мен аспаптар (радиометрлер, спектрометрлер, дозиметрлер), иондаушы сәулелендірудің әсер етуінің биологиялық әсерлері және кәсіби сәулеленуді бақылау енеді. Оқытуға барлығы ҚР ҰЯО 50 қызметкері және «Казцинк» ЖШС 2 қызметкері қатысады. Оқыту курсы аяқталған соң, алған білімдеріне бағалау жүргізу жоспарлануда, оның нәтижелері бойынша бекітілген үлгідегі сертификаттар берілетін болады.