ҚР Ұлттық ядролық орталығының қызметкері «Ядролық және изотоптық әдістерді пайдалана отыра климаттың өзгерісін зерттеу» тақырыбындағы семинарға қатысты

2019 жылғы 7-10 қазан аралығында ҚР Ұлттық ядролық орталығының Радиациялық қауіпсіздік және экология институтының (ҚР ҰЯО РҚЭИ) қызметкері Оксана Ляхова Ядролық қауіпсіздік зерттеулері жөніндегі ассоциацияның (Жапония) төрағалығымен Азия елдері ядролық корпорация форумының (FNCA) шеңберінде Жапоняда Киото қ. өткен «Ядролық және изотоптық әдістерді пайдалана отыра климаттың өзгерісін зерттеу» тақырыбындағы семинарға қатысты. Аталған шараны қаржыландыруды Ядролық ғылымдар мен технологиялар жөніндегі Австралиялық ұйым (ANSTO) іске асырды.

Семинар мақсаты іс-тәжірибемен бөлісу және әртүрлі климаттық өзгерістер мен олардың зардаптарының әлемдегі экологиялық жағдайға әсерін зерттеу шеңберінде алынған ғылыми нәтижелерді талқылау болып табылады.

Семинар бағдарламасына климаттық өзгеру белгілеріне, әлемдегі экологиялық жағдайдың нашарлауы туралы дабыл қағатын негізгі индикаторларды анықтауға қатысты жалпы сұрақтар, сондай-ақ климаттық өзгерістердің негізгі индикаторларды зерттеуге арналған негізгі ядролық және изотоптық әдістермен танысу кірді.

Семинарға Жапония, Австралия, Таиланд, Вьетнам, Филиппин, Монголия, Малайзия, Қазақстан, Индонезия мен Бангладеш өкілдері қатысты. Барлық қатысушылар елдердегі климаттың өзгерісін зерттеулерде  ядролық және изотоптық әдістерін қолдану іс-тәжірибесі туралы баяндамаларын ұсынды.

Семинардың қорытындысы дөңгелек үстел кезінде баяндамаларды талқылау болды, осы барыста барлық қатысушылар ақпаратпен және іс-тәжірибемен бөлісу, сондай-ақ алынған нәтижелермен алмасу арқылы елдер арасындағы ынтымақтастықтың маңыздылығын атап өтті.  Семинар аяғында 2019-2020 жж. кезеңіне арналған жалпы жұмыстар жоспары құрылды.

Аталған семинар климаттық өзгерістерді зерттеу саласындағы жаңа бағыттың даму келешегі бар FNCA қатысушы елдерімен ҚР ҰЯО ары қарайғы ынтымақтастық мәселелерін талқылаудың тамаша мүмкіндігі болып табылады.