Радиологиялық және ядролық төтенше жағдайлар кезіндегі сұрыптаудың жаңа биологиялық және физикалық әдістері

2019 жылдың аяқталуы «Бейбітшілік және қауіпсіздік үшін ғылым» НАТО бағдарламасының шеңберінде «Радиологиялық және ядролық төтенше жағдайлар кезіндегі сұрыптаудың жаңа биологиялық және физикалық әдістері» Грантын жеңіп алған м.ғ.к. Кенжина Лаура Болатказыевнаның жетекшілігімен РҚЭИ биодозиметриялық және эпидемиологиялық зерттеулер тобы қызметкерлерінің жетістіктерімен ерекшеленді. Бұл Бағдарлама НАТО елдері және серіктес-елдер арасында ғылыми технологиялар мен инновациялардың қауіпсіздігімен байланысты ғылыми потенциалды құру арқылы диалогты кеңейтіп, тәжірибелік серіктестікті іске асырады.

Грантпен таныстыру қазан айында Брюссельде НАТО Штаб-пәтерінде өтті және оны маңызды басым бағытқа және Химиялық, биологиялық, радиологиялық және ядролық агенттерден қорғау сияқты НАТО стратегиялық міндеттерінің біріне сәйкес келетін грант ретінде Альянс елдерінің көптеген тәуелсіз сарапшылары қолдады.

Ғылыми зерттеулер НАТО елдерінің үш ғылыми-зерттеу мекемелері – Италияның екі институты және Хорватия институты серіктестіктерімен жүзеге асырылады.

Грант шеңберінде радиациялық инциденттермен байланысты төтенше жағдайларға дайындық және әрекет ету үшін цитогенетикалық биологиялық дозиметрияның жаңа әдісін енгізу және жетілдіру жоспарлануда. Зардап шеккендер көп болған жағдайда адамдар денсаулығына келтірілетін зардаптарды жеңілдету және болдырмау үшін алдын ала және жылдам әрекет ету маңызды. Аталған іс-шаралар Атом энергиясы жөніндегі халықаралық агенттік және Бүкіләлемдік денсаулық сақтау ұйымы бекіткен Қауіпсіздік талаптарының ажырамас бөлігі болып табылады.

Гранттың жоспарланған іс-шараларына сәйкес, 3 жыл ішінде қазақстандық мамандардың Еуропаның жетекші зерттеу орталықтарында оқытылуы, зерттеулер үшін заманауи жабдықтар мен шығын материалдарын сатып алу, Халықаралық ғылыми конференцияларға қатысу жүзеге асырылатын болады.