«Қазақстандағы радиоэкологияның өзекті мәселелері» сериясының кітаптарын сыйға тарту акциясы

Ағымдағы жылы ҚР ҰЯО РМК Радиациялық қауіпсіздік және экология институты «Қазақстан радиоэкологиясының өзекті мәселелері» топтамасының кітаптарын сыйға тартудың дәстүрге айналған акциясын ұйымдастырды. Үш тілдегі кітаптың алты шығарылымын Павлодар қ. Республикалық ғылыми-техникалық кітапханасының филиалы және Орталықтандырылған қалалық кітапханасы; РҒТК Ақмола филиалының ғылыми-техникалық кітапханасы, Нұр-Сұлтан қаласында орналасқан С. Сейфуллин атындағы Қазақ агротехникалық университетінің кітапханасы және Л.Н. Гумилев атындағы Еуразия университетінің ғылыми кітапханасы; Қазтұтынуодағы Қарағанды экономикалық университетінің, Академик Е.А. Букетов атындағы Қарағанды мемлекеттік университетінің кітапханалары, сонымен қатар, Н.В. Гоголь атындағы Қарағанды облыстық әмбебап ғылыми кітапханасы алды. Ғылыми-техникалық кітапханаларға сыйлыққа барлығы 1800 кітап берілді. Осындай кітаптарды сыйға тарту акциялары бұрын Семей және Өскемен қалаларында жүргізілген болатын. Сыйға тартылған басылымдар экологиялық бейін мамандары: радиоэкологтарға, радиобиологтарға және радиациялық қауіпсіздік жөніндегі мамандарға пайдалы болады.