«Ауыл шаруашылығындағы генетикалық және радиациялық технологиялар» III Халықаралық жастар конференциясы

2024 жылғы 23-24 қазан аралығында «Курчатов институты «Ұлттық зерттеу орталығының Бүкілресейлік радиология және агроэкология ғылыми-зерттеу институты» ФМБУ-да Курчатов геномдық форумының алаңында «Ауыл шаруашылығындағы генетикалық және радиациялық технологиялар» атты III Халықаралық жастар конференциясы өтті.

Конференция аясында «Радиоэкология мен агроэкологияның іргелі және қолданбалы аспектілері» секциясының жұмысы өткізілді, онда радиациялық факторлардың экожүйелер мен ауыл шаруашылығына әсерінің өзекті мәселелері, радиациялық қауіпсіздікті бағалау және мониторингілеу әдістері талқыланды. ҚР ҰЯО РМК «Радиациялық қауіпсіздік және экология институты» филиалынан мониторинг және экологиялық-талдамалық зерттеулер бөлімінің жас ғалымдары А.М. Надева «Атмосфералық жауын-шашынның олардың сапасына әсерін бағалау үшін су ресурстарын рекогносцировкалық зерттеу» және А.Б. Муликова «Семей сынақ полигонының аумағындағы су пайдалану объектілері суларының химиялық, эпидемиологиялық және радиациялық құрамын зерттеу» баяндамаларымен қатысты. Ғылыми баяндамалардан басқа, конференция жаңа байланыстар орнатуға және өзара жемісті қызметтестік жасауға мүмкіндік берді.

Конференцияға қатысудың жалпы қорытындысы – бұл жаңа білім мен идеялар ғана емес, сонымен қатар одан әрі ғылыми ізденіске шабыттандыру. Алда – тәжірибені іс жүзінде қолдану үшін жаңа талқылар мен мүмкіндіктер күтуде.