Ядролық және радиологиялық апаттарға дайындық

2024 жылғы 25 қараша мен 8 желтоқсан аралығында Токай (Жапония) қаласында ҚР ҰЯО РҚЭИ филиалының коммерциялық жобалар тобының бастығы Ю.В. Бакланова Жапонияның атом энергиясы агенттігі (JAEA) ұйымдастырған «Ядролық және радиологиялық апаттарға дайындық» оқу курсынан өтті. Сондай-ақ, курсқа Бангладеш, Малайзия, Тайланд және Вьетнамның білікті мамандары қатысты.

Оқыту барысында экологиялық мониторинг үшін бағдарламаларды әзірлеу және деректерді бағалау кезінде модельдік есептеулерді/болжамдарды пайдалану, АЭС-тағы авариялық жағдайлар кезінде радиоактивті заттектердің шығарылу салдарын модельдеу сияқты тақырыптар қаралды. Тәжірибелік сабақтарда ұшқышсыз ұшу аппараттарын қолдана отырып, аэрогаммалық-түсіру жүйелерін көрсету, апаттарды модельдеу және ионды сәуле шығару мен дозалық жүктемелерден қорғануға қатысты есептеулер жайлы айтылды.