Ядролық ғылым және технологиялар

2024 жылғы 07-11 қазан аралығында Алматы қаласындағы әл-Фараби атындағы Қазақ ұлттық университетінде «Ядролық ғылым және технологиялар» V Халықаралық ғылыми форумы өтті. Форум аясында «Радиациялық экология және талдау әдістері» секциясының жұмысы жүргізілді, онда бұрынғы ядролық полигондарды радиоэкологиялық зерттеу саласындағы негізгі жетістіктер, қатерді бағалау, дозиметрия мәселелері және т.б. талқыланды.

ҚР ҰЯО РМК «Радиациялық қауіпсіздік және экология институты» филиалынан мониторингілеу және экологиялық-аналитикалық зерттеулер бөлімінің жас ғалымдары К.Т. Жамалдинова «Судағы радонды анықтау үшін сұйық сцинтилляциялық спектрометрия әдісін қолдану» баяндамасымен және Р.Г. Ермакова «210Pbизб Семей сынақ полигоны аумағындағы табиғи көлдердің түптік шөгінділерінде тігінен таралуы» баяндамасымен қатысты.

Форумға қатысушылар ядролық қауіпсіздік және экологиялық қорғау саласындағы халықаралық ынтымақтастықты одан әрі дамытудың маңыздылығын атап өтті.