2019 жылғы 18-19 ақпанда Алматы қаласында «Қазақстанның ядролық әлеуеті» XV Жастар семинары өтті

«Қазақстанның ядролық қоғамы» ассоциациясы жыл сайын ядролық кәсіпорындардың жас мамандарына «Қазақстанның ядролық әлеуеті» семинарын ұйымдастырады. 2019 жылғы 18-19 ақпанда Алматы қаласында ҚР Атом ғылымы, энергетика және өнеркәсіп ардагерлерінің ІІ съезінің шеңберінде «Қазақстанның ядролық әлеуеті» Жастар семинары өтті. Ұйымдастырушылардың шақыруы бойынша жастар семинарына РҚЭИ филиалының қызметкерлері талдаудың ядролық-физикалық әдістері зертханасының инженері Топорова Анна мен ғылыми-техникалық ақпараттар бюросының маманы Каиржанов Амир қатысты. Қызметкерлер келесі тақырыптар бойынша баяндамалар ұсынды: «Семей сынақ полигонының интерактивті картасы. Әзірлеу, қолдану және даму келешегі» және «РҚҚСЭТ ГН мен РҚХК ұсынымдарын қолдана отырып персоналдың ішкі сәулелену дозасын бағалау». Семинар бағдарламасына ҚР Атом ғылымы, энергетика және өнеркәсіп ардагерлерінің ІІ съезі, 4 дәріс және шамамен 35 ауызша сөз сөйлеулер енді. Бұл «Қазақстанның ядролық әлеуеті» семинары атом энергиясы және ядролық физика, радиоэкология және уран өнеркәсібі саласында жұмыс істейтін жастардың кәсіпорын қызметімен және негізгі бағыттарымен танысуына, тәжірибелер және пікір алмасуына арналған жақсы алаң болды. Сонымен қатар, семинар қатысушылары мен қонақтарына ҚР ЭМ ЯФИ РМК техникалық тур ұйымдастырылды. Семинарға «Казатомпром-SaUran», «Семизбай-U» ЖШС, «ҮМЗ» АҚ, «МАЭК-Казатомпром» ЖШС, «Волковгеология АҚ, «ИВТ» ЖШС, «КРК СП «Заречное» АҚ, «СП «Акбастау» АҚ, «СП «ЮГХК» ЖШС, Әл-Фараби атындағы ҚазҰУ, ҚР ҰЯО РМК және ҚР ЯФИ РМК сияқты кәсіпорындардың жас мамандары қатысты.