12 Халықаралық ғылыми конференциясы RAD 2024

2024 жылғы 17-21 маусым аралығында Герцег-Нови қаласында (Черногория) 12 Халықаралық ғылыми конференциясы RAD 2024 (XII International conference of radiation, natural sciences, medicine, engineering, technology and ecology) өтті. Конференцияға радиациялық физика, информатика, материалтану, химия, медицина, биология және экология саласындағы 30 елден 130-дан астам ғалымдар мен мамандар қатысты. ҚР ҰЯО РМК «Радиациялық қауіпсіздік және экология институты» филиалынан «Қазақстанның құрғақ жағдайларының дала экожүйелерінің негізгі құрамбөліктерінде тритийдің қайта бөлінуін зерттеу» гранттық қаржыландыру және «Бұрынғы Семей сынақ полигонының аумағында жер ресурстары мен су объектілерін тұрақты басқаруды әзірлеу» бағдарламалық-нысаналы қаржыландыру шеңберінде Л.В. Тимонова мен А.В. Топорова қатысты. Конференция форматы жетекші ұйымдардың мамандары арасында тәжірибе алмасуға, ғылыми-зерттеу жұмыстарын жүргізу кезінде туындайтын мәселелерді талқылауға, халықаралық тәжірибеге негізделген оларды шешу жолдарын іздеуге мүмкіндік берді.