Ұлттық ядролық орталығында АТЭХАГ Техникалық ынтымақтастығының жобаларын іске асыру сұрақтары талқыланды

АТЭХАГ Техникалық ынтымақтастық жобаларын іске асыру шеңберінде ағымдағы жылдың 8 қарашасында ҚР Ұлттық ядролық орталығына АТЭХАГ Техникалық кооперациясы департаментінің өкілі Katherina Deufrains (Катерина Дюфрейнс) келді.

Сапарының негізгі мақсаты АТЭХАГ ТЫ ұлттық жобаларын іске асыру мәселелері болып табылады, бүгінгі күнде олар бойынша Ұлттық ядролық орталығында жұмыстар жүргізіліп жатыр. Бұл «Реакторлық қондырғының ақпараттық – өлшеу жүйесін әзірлеу» жобасы, ҚР ҰЯО РМК Атом энергиясы институтында жүзеге асырылуда және ҚР ҰЯО РМК Радиациялық қауіпсіздік және экология институтында іске асырылып жатқан «Қазақстанда радионуклидтік және элементтік талдауларды жүзеге асыру үшін стандартты үлгілерді дайындау бойынша өндірістік телімді құру» және «Бұрынғы Семей сынақ полигоны (ССП) жерлерін шаруашылық қолданысына тапсыру жөніндегі жұмыстарды ғылыми-техникалық қолдау» 2 жобасы.

Бізге келуінде негізінен жабдықтар жеткізу сұрағына және жобалар тақырыптары бойынша АТЭХАГ сарапшыларының консультациялық қызметтер ұсынуларына назар аударылды.

Ресми сапар барысында РҚЭИ филиалының басшылығымен кездесу өтті, тікелей орындаушылармен және менеджерлермен таныстырулар жүргізілді, жобаларды іске асыру және үйлестіру сұрақтары талқыланды. Жұмыс кезеңдерінен басқа, құрметті қонаққа ССП мұражайында экскурсия жүргізіліп, Радиациялық қауіпсіздік және экология институтының зертханаларымен таныстыру ұйымдастырылды.

Алдын ала келісулерге байланысты, ағымдағы жылдың қараша айының соңында АТЭХАГ сарапшыларының бірі Joanne Brown (Джоанна Браун) «Бұрынғы Семей сынақ полигоны жерлерін шаруашылық қолданысына тапсыру жөніндегі жұмыстарды ғылыми-техникалық қолдау» жөніндегі жобаның шеңберінде жүргізілетін зерттеулердің сапасын бақылау бойынша Радиациялық қауіпсіздік және экология институтының қызметкерлері үшін семинар жүргізу мақсатында келмек.